有無聽過「羊毛出自羊身上」？如果單睇價錢嚟揀激光脫毛療程，隨時遇到好多中伏位！選擇激光脫毛都一樣，市面好多美容中心/ 激光脫毛公司推出不同超筍激光脫毛優惠及平價推廣，要做到咁平又要cover成本，中間好大機會出現古惑招數，就好似一啲賣蔘茸海味的黑店咁，就係捉住大家貪平嘅心態，如果大家都係精明消費，唔再貪平，這些黑店亦生存唔到。以下敎大家睇穿幾種經常會遇到嘅激光脫毛中伏情況，希望大家認清激光脫毛平價背後嘅真面目。

激光脫毛  三大中伏位

1.  平價脫毛搵客新招 : 用「靚」機，先忍手後落毒手

平價脫毛公司搵客方法已經進化了，第一二次甚至頭幾次上去，啲 sales 都會好忍手，唔會hard sell 你。但係，第一次上去佢唔 hardsell，咁我哋一般女仔又點知邊啲係會中伏呢？佢地嘅特色就係，鍾意用「平價」推廣「靚」機療程，Claim 自己有 755nm 激光兼「No.1 科技」，拍得住大品牌啲機…..

平價賣靚機療程，背後好多時都係只為吸引客人上門，等你做多幾次，間店就會不斷Sell 多幾個療程比你啦，最後脫毛價錢幾百變幾萬蚊，甚至買咗唔啱自己用嘅療程添。呢啲情況尤其會出現響果啲乜嘢療程都有提供嘅品牌，分分鐘去脫毛變咗去脫斑。

上面分享嘅網上評價已經話左畀大家知，將正常要幾千至萬幾蚊嘅激光脫毛療程，以超低價做推廣，邏輯上係好唔合理，喺香港人工、舖租、買機，統統都係高成本，低價試做激光脫毛連人工都唔夠比，條數根本計唔掂，更何況平價用「靚」機或聲稱「No.1 科技」激光脫毛？遇到呢啲情況，大家就要加倍警惕，小心中伏。

2. 大品牌折扣優惠  實價比較搵出最抵

精明嘅消費者唔應該只睇折扣優惠，而係識問識睇實收價錢。鍾意格價嘅絲打要留意，如果你心水係搵大品牌，格價時更要小心，大品牌折扣優惠有時好吸引，但係咪真係咁抵？就要畀錢時睇實收幾錢先至知！

以最多人鍾意比較嘅 medilxxx 同 dermxx 為例，上網搵左兩間公司嘅價錢睇睇，兩間都有腋下加上唇嘅組合優惠，下面個表可以見到呢兩間公司嘅激光脫毛原價，亦可以睇埋組合優惠嘅分別，等家大家識得點格價。

2018年激光脫毛價錢  

兩間激光脫毛價錢差唔多，有啲部位 medilase 平啲，有啲 dermes 價錢平啲，難分上下，不過揀得呢兩間激光脫毛公司嘅，都唔係只睇價錢，亦會睇埋服務，建議睇下客人對佢地服務嘅上網評價，花啲時間上去了解下先，咁先可以實際搵到最高性價比嘅激光脫毛療程。

3. 落後激光脫毛科技，做唔到永久效果，只送「永久保養」

市面一些激光脫毛療程，價錢極低仲要送永久保養，點解可以做到咁平？原來永久效果唔係咩機都做到，上一代用嘅彩光脫毛或 810nm 激光脫毛，已漸漸被淘汰，原因就係呢啲上一代儀器做唔到永久脫毛效果，所以仲用緊呢啲落後機嘅脫毛公司，就會送「永久保養」，即係要永久返去脫毛中心做脫毛，長遠嚟講，所花的時間和金錢將會有排計。

絲打做得激光脫毛都係想要永久脫毛效果，*果籽都有出過報導，話有效嘅激光脫毛基本上 4-6 次就會見到效果，咁越少次數就做到永久脫毛效果，對於一心想脫毛的絲打而言，最快得到效果就係抵，而唔係永久保養吧。

*果籽：一人一句揭脫毛謬誤假面具

一分錢一分貨   便宜莫貪

總括嚟講， 一分錢一分貨，要效果同服務有質素，係要付出金錢嘅，而大家 Join 之前記得要問清楚最 update 實收價錢係幾多，亦了解過療程效果同服務先決定。呢啲資料希望可以幫到大家，等大家搵到性價比高嘅最抵激光脫毛療程啦！

了解更多：
Medilase 價錢：www.medilase.com.hk/top5.php
Dermes 價錢：dermes.com.hk/tc/treatment/price

激光脫毛相關文章：
以為有野送好著數，點知上門先知sell到爆
去左好多次，但脫極都仲有毛
【激光脫毛攻略】dermes medilase 點揀好？