為免被人叫老左，好多人會即時惡補貴價護膚品，可惜無咩效果，原因搽嘢都只係表面！想有返年輕皮膚狀態，單靠護膚品根本不夠力，很多女生都開始選擇醫學美容療程。因為大家都心知比起用一二千蚊一支的抗衰老護膚品，做療程的性價比其實更高，只不過心裡面有好多疑問，同時又驚中伏，搞到唔知應該點揀好啫。
一定又痛又見血嘅醫美療程先叫有效？
其實又未必，睇你點揀～！進取的女生會打針，貪效果夠明顯，又快見效，但最好搵醫生做，雖然收費最貴但安全；亦有人揀去台灣或韓國做，但海外做風險更大，回港後萬一出事無人Follow up，隨時小事變大事，香港醫生亦未必敢接手，所以要承擔高收費、高風險。
至於聽到打針已經驚的女生，其實可以揀做機，宜家科技先進，已經出咗好多醫學美容療程，都無創傷、無復原期的，容易令人接受，而且效果都好好。有做過FACIAL 的女生都知，如果皮膚見老化跡像，就算不打針，至少也要做機，才叫做KEEP得住Young Skin，同朋友影合照便不怕比下去咯。
「平價優惠療程」做得過嗎?
「求救，已簽咗幾萬蚊，但次次都book唔到！點算好？」「又中伏……俾人碌咗4萬幾蚊」，網上總是流傳對美容公司的投訴，當中不少是針對不良營銷手法，例如以 “優惠價” 為名，吸引客人上門然後再Upsell 其他貴價療程，過程又Hardsell 到令人怕，又或用Free Trial 引客人上門，一說不買就態度勁差，或較細度數，令效果等於零，咁你下次就唔會想再上去。即使客人簽了約，每次想預約療程都總是Full booking 等等。不少美容中心看準顧客貪便宜、怕麻煩、羞於當面拒絕的心理，用一些壓迫式推銷手法哄騙她們上當，受害人在被騙後雖然又羞又怒，但又怕被親人知道，所以大多只在網上訴苦。
再者，不少美容中心會狂Sell客人買套票，而很多時候這些套票根本是數目多到她們做不完，像白白倒錢落海一樣。最近新聞更有報道有美容中心施展「美男計」欺騙受害人上門做美容療程，手法層出不窮！
亦有很多公司鍾意用「平價」推廣「靚」機的療程，背後好多時都只為吸引客人上門，客人最初幾次上去，都會先忍手不hard sell，等客人做多幾次了，才會不斷Sell 多幾個療程~~ 又或客人上到去才發現用的是山寨機而非正機，但錢已畀又求助無門。最慘係試平價療程唔啱皮膚搞到爛面….
|
Thermage回覆本報查詢時表示，曾接獲顧客查詢關於其他射頻療程或產品，如相關儀器或產品涉偽冒或侵權，便會交律師處理。 明報記者 張艷紅
|
|
28歲任職女教師的梁小姐，今年3月在社交媒體見到一間美容院口碑不俗，故前往以90多元試做面部護膚療程，期間認為服務不錯，故以7000元購買30次面部療程。之後，她在11月11日再光顧該美容院，豈料惡夢開始，在進行療程、身上只以浴巾包裹的情況下，遭美容師疲勞式轟炸，推銷購買去斑、脫毛及試做去疣療程，並要求事主考慮，但不安排美容師為她完成正進行的療程，最終梁小姐無奈支付5.2萬的費用。
|
「企硬正價療程」都有人幫襯?
專注一至兩種醫美療程的公司不多，而且比較貴，但勝在較為正路，賣點是安全、專業同效果。通常他們都會以下特點：
1. 少見有做PROMOTION，皆因專業有價有成本，等於專科醫不鬥價一樣！客源主要靠口碑和熟客，無望可以R 折扣。個人所知，最靚CEO個間 Cosmax 同埋 Gigi Leung 同Janice Man代言個間 CLINICZ 係少有做Promotion 嘅，亦無聽過話Hardsell，選幾難得。
2. 專注只做一至兩種療程，不會什麼機都有，感覺較專業，所以不用擔心會亂塞療程要你買。而家肯咁冒險淨係做一至兩種療程嘅品牌，只有CLINICZ 水原共生同埋 Reenex 膠原自生，咁啱兩間都有另外一個專做激光脫毛嘅Brand（Medilase 同埋Dermes），算係脫毛界別嘅龍頭，推斷一定係大財團先可以做到咁專!
3. 明碼實價，不會R到額外療程。可惜香港95% 的美容公司都有「枱底交易」這不良文化，治療師或者Sales 為了做生意，會私下答應客人送療程，結果當她們離職之後，所有「承諾」化為烏有，喊都無謂。呢個部份就唔敢舉例喇，因為自己冇試過晒，所以都係靠網上睇Comment。
至於點揀醫學美容療程，就要睇返個人接受程度和Budget，但最後選擇的關鍵，絕對是睇口碑，3個重點可以留意返：
1。首先要小心網絡負評甚多的美容中心，以免遇上治療失誤或不良銷售，到時便得不償失了。
2。不妨先睇官方facebook專頁，識睇一定睇真實客戶 Comment 同埋有冇嬲嬲Emoji，有的話就要小心。有啲Brand會Delete Post，呢類要加倍小心。
3。再睇網上評論留意有無負評，內容要仔細睇，因為好多係打手，真實客戶評價一定有出處，起碼FB Account唔會係假人先。
預防更勝治療 生活抗微衰老小貼士
講到尾，女人保持年輕的終極法則，其實是好心情，同埋食得健康啲，有充分休息和運動！不過「萬惡中」以心情緊張和煩燥為大忌，因為「自由基」會大量產生導致膠原蛋白和水份會因此加快流失，令皺紋和鬆弛出現。除此之外，還有一些礦物質可以幫助減慢衰老：
|
維他命 B群及維他命 C：身體面對壓力時，我們會消耗大量的維他命 B和 C。當身體缺少維他命 B和 C時，會感到焦慮、情緒低落及軟弱無力。面對壓力時，我們的腦袋利用維他命 B6來製造一種叫血清素 (serotonin) 的化學物，這種物質能讓身體好好地應付心理上的壓力。 (蘋果日報)
|
有受訪者向記者講：「過往缺少維他命B雜的徵狀更明顯，睡眠質素又差，經營養師推介後，服用維他命B雜補充劑，徵狀已減退不少，認為有助減壓、提高睡眠質素及改善思考能力，有一期突然之間冇食，瞓得不好，皮膚都冇食緊嗰陣咁好。」
食過唔錯的維他命B雜同維他命C，大大一樽感覺好抵。
除維他命外，葡萄籽也是極強的抗氧化劑。葡萄籽中含有豐富的原花青素OPCs(或稱前花青素)，其抗氧化力是維他命C的20倍,維他命E的50倍，而且葡萄籽的抗氧化成分同時具有水溶性與脂溶性的特性，容易被細胞吸收，能阻止因自由基所引起的衰老現象。
所以做乜療程都好，都要先調整返健康生活習慣：除左做返多些運動，不妨攝取返維生素B群和其他天然補充劑，有助改善睡眠和培養好心情，皮膚看去都會年輕些啦。