我三十多歲，大約一年前我在一間按摩場認識了現在的女朋友，這種按摩場是邪骨的，即系J場，但沒有床那種，她二十零歲，樣貌中上，香港女仔。過了個幾月，我們就一齊了，中間追佢，同佢相處既過程就不說了。

想講講佢的背景，其實佢本質很好，很善良，心地好，不欺騙人，不貪錢，至少佢從來沒有主動叫我買野，從沒有叫我俾錢佢

她的成長過程複雜，有個爛賭阿媽，細個的時候，佢爸媽從不約束佢，沒有好好教導佢，唔讀書，唔返學，阿媽都唔會話佢。佢十多歲的時候，在身上紋了一個大紋身，回來佢媽一句說話都冇講，仲贊好睇。後來佢阿媽欠賭債，以至老豆同佢媽離婚，離開佢地，沒有留下一分錢，阿媽後來因為避債，扔低佢，幾年後先回來。佢只讀到中一，識了一些不正經的朋友，染上毒癮。之後佢媽去了夜總會工作，佢就無所事事，間中返下parttime。後來佢媽患上重病，不能再返工，佢媽系個極度發錢寒既人，好貪錢，又懶，但又要享受，出入要坐的士，從不自己洗頭，要落街洗頭。佢竟然推佢個女去夜總會返工。

雖然系夜總會返工，但只系做金魚，搵得唔系真系太多，佢就開始照顧頭家，佢真系好錫佢媽咪，佢覺得媽咪好辛苦養大佢，佢想俾最好既野媽咪，佢將返工大部分既錢都俾曬媽咪，同時，佢受媽咪同朋友影響，自己都好大洗，做左咁多年夜總會，一分錢都儲不到。

近兩年，佢因為唔想再飲咁多酒，就再冇返夜總會，轉左去d飛機場做。

之後我就識左佢了。我當然介意佢做這種工作，但我一直俾時間佢去改變，因為佢本質真系不壞。佢自己亦都好想去改變，但要改變佢二十幾年來的生活，的確不易，佢好想搵份正經工作，戒毒，過返正常人既生活，但佢有個極度貪錢既阿媽，佢阿媽知佢系飛機場做，唯一講既野就系，早d返工搵錢。佢曾經同阿媽講佢想轉正行，但俾唔到咁多家用，佢阿媽只系話，做正行你搵唔到錢，自己夠洗咩？

近日佢阿媽又搞事了，貪小便宜，諗住搵快錢，我不想提固中細節，結果系：俾人呃，欠下銀行幾十萬，這不突止，佢阿媽仲因為唔夠錢洗，開始借貴利…其實依個阿媽，有冇腦架？個天唔會跌錢俾你架，借貴利都要還架，借撚左唔洗還架?借完咪又系要你個女還

唔知幾多人有心機睇到呢度…

我女朋友太錫佢媽，佢話媽咪一個人好辛苦先湊大佢，自己點辛苦，都要令媽咪過得開心…

邊有d咁既阿媽架，你知唔知你個女，一日要打幾多個J，先夠你去賭，夠你去食，夠你去飲酒，夠你還債

我同佢一齊快一年了，經濟上，我都有支持佢，買下野俾佢，俾錢佢用，但唔多，平均萬零兩萬蚊一個月，但都系cover唔到佢既開支

其實佢真系好想去改變，想過返正常生活，但佢好辛苦，佢唔知可以點，佢阿媽日哦夜哦佢攞錢…

我唔想放棄佢，即使我唔同佢一齊，我都想改變佢，佢搞到今時今日，都唔系佢既錯，跟本由細到大都冇人灌輸正確既知識俾佢，冇人教佢，身邊全部都系爛朋友，我知佢系好乖的，我想幫佢，一個人既人生，不應該是這樣的

說到這裡，各位師兄師姐有咩睇法？可唔可以俾d意見？