去日本 Shopping，大家可能會用現金、信用卡、甚或 IC 卡畀錢，但點都要帶出街先可以用。有冇諗過由今年夏天開始，大家去日本 Shopping，只需要一隻手指就搞掂晒！

據日本《讀賣新聞》報道，這個以指紋來付費的「指紋貨幣」系統，將計劃於今年夏天於熱門旅遊地區推出。事實上，這個「指紋貨幣」系統十分簡單，大家只需要在機場或其他指定地點登記指紋、信用卡、護照等資料後，便可在安裝有特殊指紋驗證設備的商戶中使用，當中包括有食肆、商店、酒店等，最正係由於已登記所需資料，買嘢之餘仲可即時退稅，連排隊搞退稅手續都唔使，真係超方便！

首階段「指紋貨幣」將於箱根、鐮倉、湯河原等 300 商戶參與，明年春天會擴展至東北地區、名古屋等地，並預計此計劃將於 2020 年東京奧運前擴展至全國。

新系統也可讓日本政府分析外國遊客的消費習慣和模式，數據資料將以匿名方式由一個政府主導的諮詢機構管理。報道說，這些數據將用於協助政府官員制定有效的旅遊管理政策。官員之間擔心的其中一件事，是有些遊客可能擔憂私隱問題，不願意自願提供指紋訊息。

M