十個有九個女仔都用過氣墊粉餅，但最估唔到嘅係呢股維持咗兩年嘅「氣墊潮」唔單止冇停過，仲發展成為氣墊胭脂，可想而知大家有幾鍾意氣墊！氣墊嘅自然透薄、高光澤感效果，的確係其他化妝品做唔到嘅地方，而且用法又超方便，輕輕鬆鬆咁拍幾拍就搞掂！如果你都係氣墊粉餅迷嘅話，咁你一定唔可以錯過以下介紹嘅氣墊胭脂。

最近連法國品牌L’Oréal都抵受唔住韓流，出埋光感輕盈氣墊胭脂。三隻顏色都相當「韓」，啱晒化開韓妝嘅朋友。

氣墊粉餅始祖IOPE出得嘅氣墊胭脂當然都有番咁上下啦，胭脂入面有30%礦泉水，唔怪得知出嚟嘅效果咁水潤啦！

Lancôme 係繼L’Oréal 後第二個法國品牌推出氣墊胭脂，但依家仲未有得買住，想要嘅就要等吓啦！

韓牌A’PIEU早前都推出咗叮噹限量版氣墊胭脂，好唔好用就唔知，但個包裝同價錢就真係好吸引囉！

其實氣墊胭脂DIY做法都好易，只需要將一塊新嘅海綿放入舊嘅氣墊粉餅殻，再擠啲胭脂膏落去，再用湯匙將胭脂膏壓入海綿就完成。

M