做激光脫毛由Medilase 轉會 Dermes，最後為乜情歸 Medilase 脫毛

諗過去做激光脫毛嘅女仔，都會經歷過呢個關口：搵邊間好？初頭都會搵脫毛價錢平的公司，但中過伏就知道都係要搵有信譽嘅脫毛中心，但呢類選擇唔多，網上見人地成日比較Dermes vs Medilase 脫毛，其實唔係自己親身join 過試過，真係好難講得清楚有咩分別，我自己做過Medilase同Dermes兩間，最後都係食回頭草返左 Medilase 脫毛，究竟中間經歷左啲咩? 即刻同大家講下:

做完Medilase心思思去FreeTrial

最初貪新鮮又聽聞唔hardsell，所以去咗Medilase做激光脫毛，每次上去半個鐘到就做完，做左5、6次個underarm已經無咩毛毛可以再打，咁叫得做激光脫毛就梗係應份有咁嘅效果架啦，所以當時無覺得6次完成療程有幾勁有幾特別，而且間間都標榜自己係6次ko 晒d 毛毛架啦！完晒個療程Medilase無特別sell我，咁我又心思思覺得可以試下其他，反正今次想做面，咁啱睇到Dermes 有Facebook廣告，話有free trial 有野送，仲要係試兩part，所以即管去試下。

嗰時去Dermes 做另一part，服務係好體貼，有唔同嘅花茶，環境又大，治療師都好細心，不過入到房做treatment時，先知道同Medilase 脫毛方法都幾唔同，medilase部機識得自己噴冷凍劑，有啲拮拮地，但又未去到痛，過程爽手d；Dermes 就要敷完冰先做得脫毛，咁除左等耐左，喺塊面度敷冰（脫面毛）真係好凍吓！敷冰脫毛我個人始終覺得無咁舒服。

原來脫毛6次內完成唔係must！

之後重返Medilase 脫毛發現有新野，叫pro-u analyzer，咩嚟呢？簡單啲講係一個全面”評估”，初時心諗我以前咪做咗個 pro-test 囉，而家返嚟又要重新做一次“評估”？個consultant 解釋話，呢個評估除咗睇下我現時係咪啱做激光脫毛，仲會幫我做一個皮膚毛髮色譜評估，可以知道自己最啱用咩激光能量，先會最快見到乾淨無毛嘅效果。係嘅，人人都話脫得清，唔通人人都用同一個方法、同一部機就脫得清咩？瀨過野就知道無事前分析，tailor made 一個自己啱做療程嘅方法，又點會話一定得丫！



Medilase check 皮膚同埋毛髮做左半個鐘左右，好細詳，又再提我如果食咗美白丸就要隔兩星期先可以去做脫毛，特登去到都唔畀做，話擔心會burn皮膚，係有d煩，但人地有錢都唔賺住叫我走，唔通我自己攞命搏咩？

試過Dermes 同 Medilase 脫毛，終於明白咗好多野唔係必然：激光脫毛唔一定間間都脫得乾淨、唔係間間都咁快見到效果、唔係每一間都會咁錫住自己嘅皮膚，學識左搵到好嘅都係唔好再亂咁試，費事嘥左無謂錢，仲嘥唔少時間添～

講真，想要優惠又唔怕凍同痛，又唔怕俾人sell嘅，揀dermes就勝在有free trial。Medilase就無嘅，一定要做左個Pro-U Analyzer，check左你嘅皮膚同埋毛髮先。但返得轉頭就一定係覺得Medilase好好多，無咗free trial都值得。大家有興趣都唔洗太急上去，可以睇埋佢地FacebookD客人嘅留言（識睇梗係睇留言啦）先，之後都係覺得想脫毛又想揀Medilase嘅，就click呢條link登記喇~

Medilase:
https://goo.gl/D2PBAj

Dermes:
https://goo.gl/tTnc6r