2月12日，本人發的帖：

講故事之前，先旨聲明，今次真係我親身講故事，無花無假。

其實，我係個35歲都溝唔到女既可憐蟲。

又廚房男又燒味男又公屋仔又保安又巴士仔。其實，我35歲人，係一個文員仔，月薪8000蚊，咁大個仔以來，一次拖都未拍過，感情仲係一張白紙。我已經成日睇上香討睇拍拖經歷，希望從中偷學到一招半式，幫幫細佬搵返個伴。

可惜，上咁耐香討，本人只學得吹水作故仔，對我溝女一D幫助都無。為左撫平自己溝唔到女既唔開心，我只好作下故，作D拍拖但慘被傷害既故仔。欺騙自己，拍拖其實都唔係想像中咁愉快。

唉！可惜呃到人，呃唔到自己。叻哥35年內心的孤寂，又豈能靠作下故仔就能撫平。

叻哥依家唯有買支青島，一個人係涼亭度飲，曬下月光，上下香討。

對唔住，叻哥作咁多故仔無惡意的……

2月16日，本人發的帖：

話說，上次因為臨近情人節，對自己35年單身有d感觸，飲左兩杯青島上來香討傾訴。

初初諗住好多人恥笑我，但原來更多人鼓勵我。好多謝大家。

經過大家既鼓勵，我知道咁樣落去唔係辦法。已經單身左35年，已經冇野可以輸，比人笑都慣哂，唔怕比人笑。結果本人把心一橫，用888蚊join左個網上情人節前夕極速配對晚飯。係情人節前一晚，出左尖沙咀參與聚會，當買個希望。

初時都抱住搏一搏既心態。但一去到會場，發覺好多個男人同自己差不多樣，頭dup dup 眼濕濕咁，唔係電車男就係馬會投註站大叔。本人再望埋d女士，有靚有唔靚，任君選擇，有幾個女仔普通得黎幾合眼緣。眼見有合適對像，對手又水皮。叻哥突然之間信心返哂黎，就好似當年中五謝師宴溝女咁，勇字掛係心口，昂頭踏步，傲視群雄。

相體內容不詳述。

結果，叻哥成功拎到一位30歲女士的電話，該名女士唔算靚，衣著有點老土，標準鄉姑LOOK。最緊要唔肥膩，合眼緣。

叻哥拎完電話，順勢同佢搭地鐵返屋企，打蛇隨棍上，想約佢2月14日情人節出來行街街。可惜佢話要返大陸，唔得閒出街，話再約。

當晚返到屋企之後，雖然未再約到出黎，但KEEP住不斷WHTSAPP，對久久未同女性溝通既叻哥黎講，已經非常開心。

2月16日，該名女主角發現匯報溝女的帖，已直斥行為變態，徹底封鎖男事主