輕鬆減肚腩 健康減肥飲品試飲報告
小肚腩哩個問題已經困擾左我好耐，我又唔係大肚腩喎，但就係平時著牛仔褲啱啱唧左出黎嗰舊肉仔，試過狂做運動都減唔到哩個位。中醫師話，想減肚腩唔係無方法嘅，不過就首先要調理好脾胃，因為如果脾胃濕熱，就會導致消化不良，令到脂肪積聚。醫食同源，咁從飲食入手就對健康最好啦，我放工咁攰就無咁好心機煲湯喇，唯有買D健康嘅減肥飲品代替啦。
1. 即飲即排毒 支裝火麻仁
依家D涼茶舖仲方便過Starbucks，鴻福堂、健康工房、自家工房周圍都有，佢地排毒祛濕、幫助消化嘅產品有好多選擇。我就飲開鴻福堂嘅火麻仁，一飲就好快排到毒，清到宿便，似合桃露嘅味又唔會好甜，幾好飲。不過一支野廿幾蚊，日日飲就小數怕長計，間唔中飲下去下濕熱都OK。
2. OFFICE必備 去水腫養生茶包
網購養生茶包其實都好方便，不過買到啱自己口味同埋體質就唔係咁容易。歐美嘅Teatox配方比較寒涼同重口味，唔太啱亞洲人。香港local嘅養生茶我都試過幾個brand，例如Check Check Cin, Tea Sixty 同好茶養生。Check Check Cin 同好茶養生就藥材味濃D，我麻麻地，依家飲緊Tea Sixty嗰隻Detox Tea so far就最好味，似玄米茶同煎茶，唔知係咪因為去水腫所以睇落個小肚腩都平過以前，我覺得幾work 減肚腩仔嘅，不過要沖泡，唔及即買即飲咁方便。
3. 三日斷食 Detox Juice療程
近幾年好興嘅detox juice我都有試過，有一排懶健康就試過Bless嘅detox juice斷食排毒療程，要成千蚊，不過已經平過其他pressed juice喇，要連續三日唔食野淨係飲果汁，幾辛苦架。係就係有瘦到，不過無野食落肚又凍冰冰，嗰三日都覺得個人好虛弱，所以之後我都只係間唔中飲下佢嗰隻R40 Dr. Detox 排毒果汁，用黎去水腫，陣草青味都幾fresh嘅。$48支，同Starbucks差唔多價錢，不過就健康好多。
要減肚腩，以我經驗，有恆心keep住飲健康減肥飲品係work嘅，不過就唔好expect飲完即刻見效啦，keep住飲兩星期以上先真係幫到減肚腩架。
鴻福堂火麻仁
Tea Sixty 排毒祛濕茶包
Bless R40 Dr. Detox 排毒博士排毒果汁