新郎WhatsApp婚前協議 新娘嬲爆要畀奶奶家用 離婚無樓分

呢個世代咩都用WhatsApp交代，尤其系難於啟齒慨事，覺得寫幾句好過講幾句慨人大有人在。不過有曬字存底，呢個世代又興咩都放上網「些牙」，隨時私人悄悄話變大家熱烈討論話題。

最近形容自己「始終都有咁上下年紀」慨準新娘，在討論區嬲爆傷心「些牙」準新郎一大段WhatsApp，直情似段離婚合約，約法三章，要求對方有五點「共識」。

1.婚禮錢新娘要出一半，今年內搞掂，以免拖得耐用多了錢。

2.準新郎剛剛買樓，要求新娘同身體唔太好的家婆一齊住。

3.兩年內生到B，因為佢系獨子，阿媽好想抱孫。

4.婚後開聯名戶口，每人各放三分一人工落去儲蓄，另外要再俾家用佢阿媽。

5.連離婚都講埋，話萬一系咁層樓歸新郎，因為唔想阿媽臨老無家可歸。

本來甜甜蜜蜜開開心心搞緊婚禮慨準新娘，激氣到要把WhatsApp放上網勁數，條標題仲系：結婚前見到男友既（慨）真面目！

「我真系估唔到囉…首先結婚個度，我唔介意俾返錢，但都唔洗講到出口叫我俾呀…仲話諗住今年內搞掂…我都唔知有無咁既（慨）錢去。」

「同佢阿媽住個度我都OK既（慨），因為我知佢阿媽身體真系麻麻…但話到想兩年內生仔…但系你話想生就生嫁（㗎）咩…。」

大家估下準新娘最嬲最嬲邊點？其實好易估。「其實之前佢手頭比較緊個陣,我系有幫佢手供三四個月，雖然我唔系話要返層樓，但佢講到出口…搞到我好拜金咁亦都好hurt我囉…」

網友普遍撐準新娘，覺得佢通情達理，但個男人只顧老母或者以老母為擋箭牌要求乜乜物物，實在太自私。雖然話揀老公求孝順，但系咁樣真系好難頂得順。

最慘亦系最現實的，系準新娘覺得自己年紀唔細，縮沙就好難再嫁。結婚好似傾生意咁，愛一個人，會唔會咁？

男人唔可以窮，更唔可以對老婆咁計較囉。（網上圖片）

收到如此WhatsApp，你會點？（網上圖片）

唔通準新郎靈感來自呢套戲？（網上圖片）

難怪準新娘咁嬲（網上圖片）

識睇一定睇留言x1 結婚唔系應該為愛情咩（網上圖片）

識睇一定睇留言x2 交易？講得好（網上圖片）