今日係地鐵親歷見證了一單"非禮案" , 依嫁D色狼真係癡線!!!!

今日1700同同學係長沙灣放學並搭地鐵返屋企

因為我同同學傾緊計, 冇實際留意該女仕同該男子係咩站上車

女仕: 大約21-22歲, 155左右高度, 下稱女仔

男子: 30-40歲左右, 深棕色/棕實膚色, 172-174CM左右高度, 戴藍色CAP帽同口罩, 咩住個背囊

個女仔上左車之後就背住塊玻璃I住咁企, 跟住再下一個站個男子上車之後就右手捉住門邊個扶手, 面對住個女仔咁企, 而我就企係玻璃扶手個度

跟住關左門開車之後個男子隻左手就捉實埋玻璃個條扶手, 之後個身體貼近個女仔, 而女仔表情感到唔自然, 並轉側身企

姐係情況就好似咁, 紅色=女仔, 藍色=男子, 白色=我

初頭我冇為意, 但之後我睇到個女仔塊面勁紅, 同埋個男子個身體愈黎愈貼實個女仔, 就好似攬住佢咁, 而個女仔就係咁縮埋, 我先諗緊佢係咪想抽水

跟住我再望下佢下體, 係完全貼住個女仔側盆位係度磨, 先意識到個男子想非禮/騷擾個女仔( 我唔敢咁武斷下定論佢係咪想非禮個女仔, 所以我都唔知我之後咁做o岩唔o岩)

我意識到之後, 我就怒睥住個男子(我依家諗返都唔知道點解當時我會咁做而唔係問佢係度做乜野), 當佢見到我睥住佢之後, 冇為意, 個身繼續貼住個女仔

但我係一直咁睥住佢, 佢可能意識到我知道佢係度做緊咩, 就縮左左手

再望一望我, 我仲係繼續睥住佢, 就連右手都縮埋, 繼續之下, 索性企開, 之後就係太子站落左車

成件事就係咁, 我唔知我當事咁做o岩唔o岩, 但我WTSAPP我D女性FD佢都話應該問佢係度做乜野, 我都後侮緊點解當時我唔係問佢「你係度做乜野!?」而係就咁睥住佢, 好可能咁做就會成件事唔同哂…

事後我問返女事主, 佢都講返話個男子想抽水, 我就問返佢點解唔講!?

但佢見到到站之後就落左車, 我諗假如我冇睥的話, 個女事主都未必會講……

之後同我一齊搭地鐵個FD講返話個男子係架車開左車門之後係度望黎望去一陣, 之後先上車, 好怪

先意識到佢真係可能係度搵緊Target

成件事就係咁, 唔該, 女仕們, 下次假如自已咁不幸遇到呢D事情個陣, 要講/叫出黎, 我相信一定會好多人幫你

就算冇人幫, 都At least停到個男子先

我相信好多男仕們見到呢D狀態, 但佢地好多時就係等緊你開聲, 你一開聲, 真係分分鐘幾個男子去圍個色狼

就當唔為自已, 都要為嚇下一個Target, 冇人知道邊一個係下一個受害者, 依家你開左聲, 就有機會停止到呢D事發生

咁大個仔都未目睹過呢D事, 今次真係睇唔過眼先咁做(雖然後侮緊點解唔問佢係度做乜野)

但唔該, 保護嚇自已, 逆都保護其他女性, 開聲制止呢D事情發生

Edit: 加返當時情況

個陣架車係多人, 但係D位都鬆動, 唔會去到勁多人好迫個種, 而個個男仔後面就有3-4個身位,

而隔離就係我, 隔左大約1/2- 1/3身位左右