好多人鍾意日本電器，勝在有信心,但始終唔知係香港可唔可以用到，又唔一定有保養，最好買機後先在店舖或酒店試下。香港專售日本電器店友和，請店員為我們介紹返需注意的事宜，

避免買咗返來但用唔到。
Q1：日本電器可否在香港直接使用？

A1：香港的電壓是220V/50HZ，買前要睇清楚電壓，如果電器既電壓係110V，就一定要用俗稱火牛的變壓器。有啲電器為全球電壓100-240V，使用轉插器，就用到。

有啲電器都會有海外版，但只在日本發售,買既時候都可以問下。

Q2：變壓器有咩選擇？

A2：有傳統及電子變壓器，前者大而重，不過就穩定啲；後者則細同方便攜帶，但穩定性欠佳，適合小型家電如熨斗或美容電器使用，耗電量高的家電，就會較容易燒。

同樣2000W變壓器，左邊為電子火牛(HK$379)，右邊為傳統火牛(HK$660)，價錢、體積及重量都差好遠。

Q3：點揀變壓器？

A3：不同電器有不同的電功率(W)，即電器使用的電能數量。如電器電功率為70W，則需要70W以上的變壓器，否則電器會燒。為安全起見，可以預多30%，即100W就最穩陣。

一般電量唔係好大，用50W變壓器就足夠。

有啲火牛上寫明了電髮器、電視等唔用得

Q4：買一隻2000W火牛係唔係可用哂所有電器？

A4：理論上可以，不過長遠就會好傷電器。所以最好因應電器去選擇火牛。

Q5：買日本電器有冇保養？

A5：買前要問清楚，有啲全球電壓的電器係包全球保養既。

Q6：有咩電器唔好買？

A6：唔係樣樣都可以帶返香港，火水暖爐、氣體及露營用的煮食爐等一概不能空運，不論寄艙或手提都唔得，過關時隨時被沒收！

Q7：電器說明書係日文，睇唔明點算？

A7：部分電器會於官網有齊英文、中文版說明書，如果沒有，唯有找找youtube有沒有示範短片或其他網友的開箱文。

總之買嘢前最好做定資料搜集,咁就萬無一失!

M