2017年元旦見到表妹，佢一見我就問激光脫毛價錢啲嘢，仲話MUSEE宜家都有激光脫毛做，幾百蚊就做到一個部位；表妹已經畀我教識左，做激光脫毛先係終極趕走毛毛的方法，而係唔做一世的彩光，所以MUSEE雖然平，但因為係彩光，會脫極都仲有，表妹初頭唔知，試過後做左幾次見毛毛無咩少到，已經唔再中計，決定轉搵激光脫毛。

不過佢見到 MUSEE 出左激光脫毛只係幾百蚊又心動，我都明，大學生啲佢雖然不愁生活，但消費能力始終有限，大學生搵MUSEE都不外乎(1)夠平; (2)唔痛，但佢好快就明白:

(1) 用彩光或者科技唔夠好嘅激光，會脫極都仲有，多年後計返條數，其實可能仲貴。

(2) 用最新的激光脫毛科技其實都可以唔貴（下面會再解釋）。

始終我覺得唔可以將貨就價，有要求、有品味係要由細培養，於是決定幫表妹八下，市場最有質素嗰兩間激光脫毛公司的大學生優惠，送個激光脫毛優惠實用攻略比佢做新年禮物，順便敎識佢點揀高質素的激光脫毛，當然都喺呢度share，希望多啲大學生可以用有限金錢，享受到高質素的激光脫毛成果同服務啦～～至於MUSEE，忘記佢吧！

大學生激光脫毛實用攻略

攻略1. 大學生時段唔同價

真心覺得做學生真係好幸福，有大大小小唔同的優惠，真係好羨慕。所以我已經唔止一次同表妹講，趁做大學生好快快去做激光脫毛，你有全日制大專院校既學生證，做激光脫毛療程比起在職人士抵好多呀，我恨都恨唔到啦～因為大學生做激光脫毛價錢平啲，就好似有啲餐廳都會有學生優惠咁。

Dermes vs Medilase大學生時段激光脫毛優惠

Dermes 同Medilase激光脫毛中心都特別為學生推出了大專生/大學生時段，只要滿18歲的全日制學生，買療程show張學生證就有大學生時段優惠，只要在指定的大專生／大學生時段去做激光脫毛，就可以有激光脫毛優惠。以下係兩間公司的大學生激光脫毛價錢比較。

比較上面部位大學生激光脫毛價錢的話，Dermes同Medilase各有平貴，Dermes上唇、全手臂的脫毛價錢平過Medilase，其他就貴過Medilase。

如果本身都想做腋下同上唇呢兩個部位，在大學生時段以外的一般優惠都可以考慮，因為Dermes同Medilase都有underarm加upper lip激光脫毛package，呢個優惠組合難得在$8,500嘅價錢，任何時段/繁忙時段都可以做到的療程，Medilase仲會送埋下唇，好啱大學生入門做激光脫毛。

激光脫毛優惠組合

-價錢為Dermes繁忙時段／Medilase任何時段價格

攻略2. 大學生時段有長短

睇完大學生優惠都要睇埋大學生時段，Dermes同Medilase的大學生時段雖然主要在星期一至星期五，但時間有少少出入：

Dermes吸引在公眾假期都有大專生時段，同平日的時段一樣，而每日的時段就弱左啲，只得2小時。雖然兩個品牌的脫毛中心地點都在市中心，交通好方便，但弊在大學的位置一般唔近市中心（理大算係最近），問過大學生表妹，佢話如果趁天地堂中間去做就有啲趕，咁Medilase 時間長一倍，每日有4個鐘，時間鬆動好多，平日做到療程，咁公眾假期就可以全程去玩啦～

攻略3. 大學生脫毛部位有限制

大學生時段的限制不只是時間，其實脫毛部位都有限制，所以買療程前要睇清楚，大學生時段的優惠療程部位名單上，有冇你想脫的部位，假如你想脫毛的部位是全面，因為不在大學生時段的優惠療程，咁就只可以跟返大人嘅 ”新客非繁忙時間”優惠了。

Dermes vs Medilase大學生時段可選療程部位

作為激光脫毛老臣子Dermes，大學生時段療程部位可以揀的部位有8個，基本要做的脫毛部位都包括了；如果想多做其他以外的部位，Medilase的大學生激光脫毛部位優惠有22個，可能會較易滿足到你。精明的就趁大學時期將多毛毛的部位脫了，比畢業之後至做激光脫毛可慳一大筆呢，慳咗的錢當作Grad trip的贊助費，絶對是double happiness！

攻略4. 大學生必用最新最好脫毛科技

呢一兩年多咗大學生去Medilase激光脫毛，背後原因我都想知，幾個師妹同我講，科技野好似買iPhone咁，梗係買最新款最勁嗰部，做激光脫毛都一樣（呢個師妹叻過我表妹喇）！呢啲就係新一代人嘅心態。Medilase 開左3年到宜家，一路upgrade新機，部機有內置冷凍方法，所以唔洗敷冰，做小腿脫毛15-20分鐘就搞得掂，好快見到永久脫毛效果，有IGG、Youtuber做過都話好爽快，覺得唔痛。可能就因為咁，啲年輕人會鍾意，大家都無咩耐性等，咩都要快脆爽手又見效，就係咁簡單。

Dermes已經17年歷史，五六年前去做脫毛時已經用緊宜家呢款機，所以治療師技術好純熟，但儀器未有內置冷凍系統，要冷凍就用敷冰、凍GEL、吹凍風等傳統方法，好多試過的人都知，敷冰或凍GEL要花時間等，等到皮膚冷凍後先可做療程，所以去做療程最好預多啲時間，做小腿脫毛連敷冰大約要45分鐘。除左時間會長左，紓緩唔到痛感之外，毛囊冷凍左會無咁易脫得走，影響到脫毛效果就大件事，即係要做多幾次療程先清得晒，陰公豬～。

攻略5. 大學生脫毛要識睇正評

講到幾勁都好，大家都鍾意睇埋口碑，在facebook不時就見到朋友或IG女神，share做完激光脫毛treatment後的感受同效果，呢啲大學生都好信，激光脫毛公司網頁上都會有用家見證、用家正評等，但經過修飾或揀過先出是常識吧；Forum同facebook亦係一個好多人用的渠道，不過越來越多公司搵打手，真假用家的見證好擾亂視聽。

Dermes網頁一向都有用家見證；Medilase就話自己用咗短短2年就有20萬個正評，咁佢網頁又真係有埋即時更新的客戶正評，睇到客戶的facebook 似係堅素人留言，我叫表妹自己上Medilase網頁睇下係咪堅可信。
我個人當然推介佢去Medilase做激光脫毛啦，至少我自己做過覺得OK，大學生優惠夠吸引，又唔洗敷冰，不過都強烈提醒佢要登記左Medilase 既PRO-TEST先，呢個皮膚光學測試雖然好簡單就做完，但好重要，可以知道自己係咪啱做激光脫毛，試完先決定買都唔遲，女仔要學識保護自己啲皮膚呀～～

激光脫毛實用連結:

實用連結

Dermes優惠 – 免費體驗

Medilase優惠  – 免費PUA  

其他激光脫毛實用文章

1. 激光脫毛價錢2017 – 教你最抵價享受 Medilase Dermes激光脫毛

2. 【脫毛女生必知】專家點出激光脫毛的最高效黃金組合