HIFU效果由價錢反映？HIFU價錢分享

每個女人總會覺得自己的皮膚好有問題，鬆弛The 皮、無光澤、缺水甩皮等等⋯⋯呢d只有女人先會明白，亦係依家做機treatment越嚟越盛行的原因。而我比人仲多一個煩惱 —— 包包面，25歲過後膠原仲開始流失！於是不停上網搵有關瘦面、輪廓拉提呢d資料。

市面上有大量V面、輪廓拉提treatment，早三年已經試過Ulterapy、Thermage，有效但真係好痛！面V左但膚質乾左，而且太貴。於是我開始試坊間大大小小的美容院睇下HIFU邊間好，貴嘅可以過萬，平嘅$1000有找。到底價錢係咪反映一切？今日等我將我的經歷同大家分享，等大家可以放心，亦搵到最好HIFU效果的公司 ~

早兩年係睇雜誌見到有名模做代言的Dr. xxxtalk，價錢 $988 /100發，平過打Botox，講明HIFU做到拉提瘦面，我都精，打去問清楚先。原來HIFU 以發數計算，好多公司一個HIFU價錢包了定額發數，不過最終只有治療師知道幾多發數為知夠，即係信譽良好好重要，唔係隨時比人劏到一頸血！

打到去問，佢地話可以揀最需要的部位去做，例如雙下巴。咁又好似係喎，唔一定要一次過搞晒嘅，咪逐part去搞囉。上到去呢間 Dr. xxxtalk，環境好好，service 都好好，話晒上市公司丫。做完 100 發 HIFU 之後，個雙下巴收左，好滿意，點知一將塊鏡拉後睇全相，就仲會見到下巴位d肉 dup dup 地，好，我豪一次，加多 $988 做埋佢。但原來無得咁，頭100發HIFU $988，隨後就要比正價，正價 HIFU 全臉package 係兩萬幾，兩萬幾喎～同面價$988差太遠了⋯⋯

後來我度到條絕招，就係逐part咁去唔同美容院試做，眼、顴、面豬登、下巴、頸，5 part $5000就得！應該平過一間做晒。於是我 search左5間公司，規模有大有細，試過好幾款HIFU機，原來HIFU機都有好多不同型號，痛感同效果大不同⋯⋯最重要係我比人 hardsell 左幾暈！！不過最大好處係，我收集晒所有正價，可以造福大家。

我只講其中3間啦，分別係 Mioxxx (周麗淇代言) , 詩琳 (唔識佢代言，model黎) 同CLINICZ (代言係JM) 。

全部係因為廣告吸我去嘅，仲有價錢，MIOGGI $980 打左 100 發，眼下垂情況有改善，好似精靈左，之後book 左同一日去詩琳，$680 有150 發，又平過之前，心諗 HIFU 愈做愈平？上到去試，佢部 HIFU 分3個頭咁多，嘩，逐個頭做，咪即係要多 3 倍時間？！喺詩琳試我最緊張既包包面，做完左邊，幾好，jaw line 線條出左，好像尖左，到我瞓翻低打算做另一邊時，佢話因為我皮膚太the, 所以 150 發已用完晒喺左邊，聽到真係嬲左！做之前又唔講？宜家點？一係大細面咁走，一係就比正價。雖然我根本唔會睬佢，但都好想知佢劏我幾多，點知要3萬，比夠 3 萬蚊做全面，short 既，我當然走左啦。

最後搵到 CLINICZ 有個水原共生嘅療程，話係勁過 HIFU，上網睇原來有三步曲既，其中有 part 做 MDS 膠原激活，效果好似 HIFU，但聲稱更勁，都幾吸引，見到有個體驗價，即管花少少錢試下啦。一入到 CLINICZ，個 sales 煩到嘔，填呢填路，我黎幫你填問卷咩，佢就話係因為要了解清楚我身體同皮膚，先決定係咪同我做 treatment ，終於填完可以開始，我就入房試一個勁過 HIFU 既 MDS ! 下，一個機頭就搞掂？係咪呃人？咁咪好快做完？以往我試親的體驗價都有發數限制，點知最後呢度無計發數！！左右邊面都做晒，即時見到V返晒，搞到我心心眼！

聽完 CLINICZ 講解都成 45 分鐘，真係好煩，但我又覺得幾好，原來水原共生勁過 HIFU，因為除左有 MDS，仲有深層注水同一個叫延效再生嘅療程。至於點解要做晒三個療程呢，因為好多人話膠原激活完就會自己生自己生，但原來膠原要有充足水份先會自生，所以做完 MDS 再要注水，先可以喺療程完左都令膠原繼續生，療效持久。的確，我做完療程後一星期，發現面愈黎愈尖，皮膚彈性亦愈黎愈好，可能真係生緊膠原bb ! 三個 treatment 萬幾蚊，好像有d 貴，但數口精既我一計，發現平過出面所有 HIFU價錢，平均全臉 HIFU 要3萬，宜家我比少三分一價錢，可以做晒全面連頸，無發數限制，因為 CLINICZ  唔係計幾多發，而係計部位，總之一口價做晒個指定部位囉，咁勁過 HIFU 嘅機喎！真係點計都扺，所以今次算係敗得有理啦！

有興趣可以學我嘅策略，但唔一定搵呢幾間嘅，試到更好嘅不妨share返出黎.